Ish-futbollisti brazilian Dani Alves, u lirua sot (e hënë) nga burgu pasi arriti t’i grumbullojë 1 milionë euro për lirimin e tij me kusht.
Alves tash e sa kohë kishte kërkuar nga gjykata për lirimin e tij me kusht, por që vendim vonoi që të merrej për shkak të frikës së arratisjes nga braziliani.
Tani, janë publikuar pamjet e para pas lirimit të tij nga burgu, ku shihet Alves së bashku me avokaten e tij nën shoqërinë e policisë.
Të pranishëm para gjykatës ishin edhe një sërë protestuesish që ishin kundër vendimit që mori gjykata për lirimin e përkohshëm të Alvesit.
“Nuria është vrarë”, ishin fjalët e protestuesve. Nuria është viktima e cila po dyshohet se u dhunua seksualisht nga Alves.
Kujtojmë se Dani Alves paraprakisht ishte dënuar me burgim me katër vite e gjysmë për sulmin e dyshuar seksual që ka ndodhur në një klub nate në Barcelonë më datë 31 dhjetor 2022.
Dy pasaportat e tij, ajo e Spanjës dhe e Brazilit, janë konfiskuar nga policia, ndërsa Alves do të detyrohet që të paraqitet javë për javë në gjykatë./Telegrafi/
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...